طبق طبقنا.. وطبق طبقكم
حالّو يا حالّو
جانا رمضان بالخير يا حالّو..
هلّ وهلّت معاه أحلى الذكريات
فاكرين لمتنا بعد الفطار.. صلاة التراويح والتسبيح والتكبير
عهد بيتجدد كل سنة
أطباق طالعة وأطباق نازلة.. خير بيعم على الكل
السر كان في لمتنا وقلوبنا البسيطة
كنا أطفال هدفنا نكمل صيام اليوم
فرحتنا بتكمل بلعب الفوانيس بعد الفطار
بكرة بتاعنا كان لبس العيد والعيدية.. وهنروح فين ونعيّد على مين
حياة سهلة وبسيطة.. حتى لو الفلوس قليلة
الأيام ما اتغيرتش.. إحنا اللي اتغيرنا
عدى الوقت وكبرنا والمحمول بقا حامل
الشعر شاب والحمل تقل
بعدنا أو اتباعدنا.. النتيجة واحدة
يا رب جمّع قلوبنا وعمّرها بالإيمان
اللهم رمضان مختلفاً.. ينزعنا من غفلة الحياة والركض وراءها
اللهم رمضان.. يطهّر صحائفنا من الذنوب ولا يترك فينا عادة سيئة إلا قوّمها وحسّنها
اللهم همة وعزيمة تجعلنا ندخل ميدان السباق دون تعثر أو فتور
اللهم قوة في الطاعة وإخلاصاً تاماً وقبولاً عندك
لروحكم السعادة
همسات عابد
فاتن خطاب
