طبطب عليا… على إيه بتضحك
كتير عليا؟؟
ولا عليا تحرم ولغيري تجوز
ده حتى عينيا حزينة أكتر منهم
ووشي مطفي يالي رايح تحايلهم
وجوزي أنانى ومهمل
بس حنين
آه والله حنين مع كل الستات إلا أنا
غاوي طبطبة ونحنحة
وفي الاحتواء قلبه كبير يساعهم كلهم
بيخلق الوقت للحكاوي والنهنهة
وعندي أنا!!!
اللسان ينعقد والبال ينشغل
ولو عصر على نفسه لمونة وقعد يسمع مراته المجنونة
ثواني واسمع شخيره طرزان نايم
آه لو شوفتوا هيئته يمكن ساعتها تفهموا
إنه مش فارق عن لى عندك وله لى عندها
ههههه كلنا في الهوا سوا
فبلاش نفتح الإنبوكس
قالك عينيكي حزينة ومنشوراتك كئيبة
مع إنك شمس الشموس وبدر البدور
اقفلوا باب السهوكة على بتوع “نورتي صفحتي”
لروحكم السعادة
همسات زوجة مفروسة
