خلال لقائه مع النجمة إسعاد يونس، روى الفنان محمد منير،في برنامج “صاحبة السعادة”، المذاع على قناة dmc، كواليس مسرحية “الملك هو الملك”.
وقال “منير”:” الملك هو الملك أهم مسرحية في تاريخ مصر ومن تأليف سعد الله ونوس وأشعار أحمد فؤاد نجم وإخراج مراد منير، وكنت لما بسافر سوريا لسعد الستات كانت بتستقبلنى بالزغاريد، و مراد منير مخرج عبقري، والملك أو الكينغ أحب الألقاب لقلبى، وأحمد فؤاد نجم علامة من علامات مصر”.
وفي تقرير مصور، خلال الحلقة، قالت النجمة هالة صدقي: “محمد منير عمل أفلام مهمة في تاريخ السينما ويكفي أنه اشتغل مع يوسف شاهين، وأنه يختاره في دور مهم أوي في فيلم “المصير”، و”علّي صوتك” من العلامات المميزة، والحاجات اللى بحبها اوى امبارح كان عمري عشرين، بحب الألبوم ده جدا، وأكبر ميزة في منير انتماؤه لوطنه الأصلي النوبة ولأهله وهو إنسان طبيعى وبسيط أوي أبسط من البساطة، وأكتر حاجة بكرهها في منير اهتمامه بالناس اللى حوليه وعدم الاهتمام بصحته، والفن والناس أنبوبة أكسجين منير، أنت قامة كبيرة أوي، والمهم أنك تحافظ على صحتك أنت ليك أجيال معجبين بيك”.
