الرئيس السيسي: سياسة مصر تتسم دائما بالاعتدال والتوازن ونقدر الأشقاء في الدول العربية وخاصة السعودية
أكد الرئيس السيسي أن سياسة مصر تتسم دائما بالاعتدال والتوازن والانضابط الشديد فيما يخص علاقتها بجميع الدول وخاصة الدول العربية والأشقاء في السعودية
وقال الرئيس السيسي إنه يتابع ما يدور على مواقع التواصل الاجتماعي والتي قد تشهد أحيانا إساءة لبعض الأشقاء، وهو ما يتعارض مع ثوابت الدولة تجاه العلاقات مع الأشقاء
وأكد الرئيس السيسي أن منهج مصر ثابت وهو العلاقات الجيدة مع الجميع حتى فى أوقات الأزمات والخلافات لا يصدر عنها ما يسيىء.
وطالب الرئيس السيسي المواطنين بعدم الانسياق وراء المواقع المغرضة التي تستهدف الفتنة والوقيعة بيننا وبين أشقائنا.
وقال الرئيس خلال افتتاحه المرحلة الثانية من مدينة الصناعات الغذائية سايلو فودز بمدينة السادات بمحافظة المنوفية: « ليا عتاب على رواد مواقع التواصل الاجتماعي، بشوف حماس زيادة، أو حتى مش عايز أقول تجاوزات في الكلام، مش موضوعات محلية ده موضوعات خاصة بأشقائنا، ده لازم ننتبه لي كويس، أرجو ناخد بالنا كويس علشان ده يكون لى انعكاس لمدى فهمنا وقدرتنا وتقديرنا للعلاقات مع الأشقاء وبالتالي لما يبقي في موضوع يتم تناوله بدون أساس أو لا يكون له أي خلفية، هنمشي ورا بعض المواقع المغرضة اللي عايزة تعمل فتنة بينا وبين الأشقاء، لو مفيش كلمة طيبة أقل حاجة لازم نسكت، كمان لوسائل الإعلام اللي مش بنتدخل فيها ».
وتابع الرئيس السيسي، أن مصر علاقتها دائما طيبة بالجميع، قائلا:«حتى في الأزمات والخلافات، سياستنا منضبطة، المفروض نكتب اللى دائما لصالح بلدنا وتحسين العلاقات، وميصحيش نسيئ لأـشقائنا وننسى وقفتهم معانا، هو لو في أزمة يبقى أطول لساني أو أقول كلام مش مظبوط، أمال فين لا تنسوا الفضل بينكم، لما نعمل كده كمواقع تواصل اجتماعي أو بعض المقالات اللي أشوفها والكلام عن المملكة العربية السعودية أو دولة أخرى، لا لا، إحنا حريصين على أشقائنا وده توجه دولة أرجو إن المواطنين يكونوا منتبهين لده كويس، وألا ننساق ورا مواقع التواصل الاجتماعي اللى عايزة فتنة بينا وفي علاقتنا الطيبة مع الجميع حتى في أصعب الظروف».
وقال الرئيس السيسي: «الأمور كلها مصر تجاوزتها حتى لو كان في خلاف مع دولة شقيقة في السنوات اللى فاتت، مثلا إثيوبيا ومشكلة سد النهضة مش بنقول كلمة واحد تسيئ ليها، لو مفيش كلمة طيبة مش هنقول، إحنا مش بنهد، ناخد بالنا كويس أووي من المواضيع دي، وده لكل مواقع التواصل والزملاء في الإعلام علشان ده بيبقى تصريح خارج من الدولة بشكل رسمي، مصر دائما تقدر أشقائها».
