كشفت الفنانة شيرين عبد الوهاب، حقيقة استيلاء طليقها الفنان حسام حبيب على أموالها.
وقالت شيرين فى مداخلة هاتفية مع الإعلامية “لميس الحديدى” فى برنامج “كلمة أخيرة، أن ” حسام حبيب طلب 10 % من أرباح شغلى.. أنا اتجوز قرد ومارجعش ليه تانى.. ومش عايز أعرف حد اسمه حسام تانى”.
وأضافت: “أنا استاهل الضرب عشان طلعت قلت ما بيخدش منى فلوس.. أنا أسفة للناس عشان كدبت عليكوا، وهتعب عشان أرجع تانى شيرين اللى ضيعتها.. وعلاقتى بحسام عمرها ما كانت حب”.
وكانت شيرين قد نفت كل تلك الاتهامات خلال الفترة الماضية، حيث أشارت شيرين إلى أن حسام حبيب لم يستولي علي أموالها في أي وقت من الأوقات، قائلة: “بصراحة حق الله أن حسام عمره ما أخد مني فلوس ولا استفاد مني ماديا بل بالعكس تماما أنا ما عرفش احوش فلوس ليا غير لما اتجوزت حسام عشان كان بعكس اللي بيتقال تماما وهو كان بيحافظ علي مالي ودي صراحة عشان دي حاجة هسأل عليها قدام ربنا”، لتعود اليوم وتؤكد كل تلك الاتهامات.
