أشاد الرئيس عبد الفتاح السيسي، بجهود الدكتور محمد شاكر وزير الكهرباء في حل أزمة الكهرباء في مصر خلال السنوات الماضية وتحويلها من عجز كبير إلى فائض في الإنتاج.
وقال الرئيس السيسي خلال افتتاح مشروعات للطاقة من محطة بنبان بأسوان: “نحن أمام عالم جليل فاضل نجح في حل مشكلة الكهرباء بمصر” في إشارة إلى الدكتور محمد شاكر بعد انتهائه من استعراض جهود قطاع الكهرباء في مصر خلال السنوات الماضية وخطة التوسع في مشروعات الربط مع دول الجوار.
وقال الرئيس السيسي أن قطاع الكهرباء شهد ظروفا صعبة في الدولة المصرية قبل البدء في تطويره بشكل كامل، متابعا: “قطاع الكهرباء في كل شيء كان صعب جدا وفي موضوع الطاقة.. وماشيين في الطاقة ومش اقصد على الكهرباء بس.. إحنا لما اتكملنا عاوزين مصر فيما يخص الطاقة الكهربائية سواء إنتاج أو توزيع أو تحكم زيها زى أي دولة متقدمة جدا في المجال”.
وأضاف الرئيس السيسي، خلال كلمته في افتتاح مشروعات جديدة في قطاع الكهرباء: “نقدر نعمل ربط كهربائى مع دول الجوار نقدر.. ظروفنا في 2013 و2014 قبل كده مكنش هنقدر.. العالم رايح لكده.. الدولة اللى مش هتكون جاهزة هيفوتها الربط الكهربائي وده لمصلحة البشر والشعوب.. لازم يكون عندك ربط وتتبادل والاستفادة المتبادلة في الكهرباء.. والإجراءات والجهود في هذا المجال.. لازم يكون قطاع الطاقة أو الكهرباء من أرقى ما يمكن.. بوجه التحية والتقدير إلى الدكتور شاكر ووزارة الكهرباء.
