استجابت الفنانة حورية فرغلي لرغبة جمهورها في الظهور ببث مباشر عبر منصتها بموقع الفيس بوك للرد على استفساراتهم بشكل مباشر، وظهرت بالفعل في مقطع فيديو لم يتجاوز الدقيقتين، وجهت فيهما الشكر لكل جمهورها، وأعلنت تعاقدها مع إدارة أعمال جديدة، وطمأنت محبيها على وضعها الصحي قائلة: أنا زي الفل.
حورية ظهرت في مقطع الفيديو بكمامة طبية تغطي منطقة الأنف والذقن بالكامل، لم تسمح للجمهور بمشاهدة الأنف الجديد، ولم تعلق على الأزمات المثارة طوال الأسبوع الماضي وبخاصة التصريحات المتبادلة بينها وبين الفنانة أمينة خليل، وبدأت مقطع الفيديو بتوجيه الشكر لكل الجمهور الذى دعمها خلال فترة مرضها، وطمأنت المتابعين على حالتها الصحية.
وقالت حورية فرغلى: كل سنة وإنتوا طيبين، ميرسى أوى على كمية الرسائل اللى عمالين تبعتوهالى، شكرا على دعمكوا ليا ودعواتكوا وسؤالكوا عليا طول وأنا مسافرة وحتى بعد ما رجعت، أما تطورات العلاج والنقاهة فعاوزة أقولكوا إن أنا زى الفل، الدكتور مبسوط جدا وأنا مبسوطة جدا، حاستى الشم والتذوق رجعولى تانى وصوتى مبقاش مخنف وبقيت أنام وأنا بتنفس من مناخيرى.
وأضافت: الحمد لله يا رب، ربنا رجعلى النعمة دى تانى، أنا بس بحب اطمنكوا إن أنا زى الفل وعندى كمية طاقة كبيرة أوى وأنا داخلة على شغل كتير، هتبقى مفاجأة بالنسبة ليكوا وأنا دايما معوداكوا أن مش بعمل حاجة عادية.
