فيفي عبده نشرت فيديو عبر حسابها الشخصي بموقع انستقرام، ضمن سلسلة مقاطع للتواصل مع جمهورها على مواقع التواصل الاجتماعي وقالت: يا جماعة لازم الدنيا تمشي، وأنا بشكر ربنا، يعني خلاص فاضل حاجة صغيرة إن شاء الله وهبقى كويسة بفضل ربنا سبحانه وتعالى وبفضل دعائكم ليا، ربنا يخليكم ليا، لكل اللي بيحبوني، أنا متشكرة جدًا، وخلاص فاضل حاجة صغيرة وأطلع لكم تاني وممكن أكون متواجدة معاكم الأيام الجاية.
وسبق أن كشفت فيفي، في مقطع فيديو لها عبر صفحتها بموقع الفيس بوك عن خضوعها لجراحة عاجلة في الظهر، لعلاج المضاعفات الجانبية لحقنة أخذتها بالخطأ، وتسببت في تأثر قدرتها على الحركة طوال الفترة الماضية.
ونفت فيفي عبده ما تردد عن دخولها غرفة العناية المركزة والتزامها بالحجاب وإعلان اعتزال الفن بعد تداول صورتها داخل المستشفى وقالت: أنا بخير الحمد لله، وكل الموضوع إني خدت حقنة غلط ولمست في الظهر.
وتابعت فيفي عبده: عايزة أقولكم انا لابسة كده من البرد على فكرة عشان تبطلوا الإشاعات حاجة انعاش وحاجة حجاب الا اذا أراد ربنا.
وأضافت: ادعولي كل اللي بيحبوني يدعولي واللي بيكرهوني الله يسامحهم كل سنة وأنتم طيبين وبخير رمضان كريم”.
وعلقت فيفى عبده على الفيديو قائلة: حسبي الله ونعم الوكيل في اللي اداني حقنه غلط تسببت في دخولي المستشفى لإجراء عمليه جراحية.
