نجلاء نادر تكتب .. ابنك على ما تربيه

المشكلات السلوكية للأطفال بين الأسباب وطرق العلاج…….

السلوك العدواني لدى الأطفال

الأصل في الأطفال هو البراءة والفطرة في سلوكهم ولكن عندما يتغير ذلك السلوك الى العدوان على الأخرين سواء بالضرب أو السب أو تخريب الممتلكات ،فان ذلك ناقوس يدق لتنبيه الآباء والامهات ان هناك مشاعر مضطربة لدى الطفل أدت الى تلك السلوكيات العدوانية .ولابد هنا من وقفه مع النفس والسؤال (ابنى ليه بيعمل كدة؟؟.. أكيد فى سبب؟؟.. والسبب داه جاى منين؟؟… وأزى أعالجة؟؟..

أسباب ظهور السلوك العدواني عند الطفل

•      الحرمان العاطفي …. يعنى مش بحضنه كتير …. مش بلعب معاه…. مش بسمعه…… مش بضحك معاه.

•      الحرمان المادي…. يعنى مش قادر أوفى احتياجاته الأساسية من مأكل وملبس ومشرب ومسكن أو معايا وبخيل عليه وبحرمه وداه أخطر على نفسيه الطفل .

•      الإحباط والقهر ….. يعنى انت مش فالح فى حاجة … أنت فاشل … فلان وفلان أحسن منك …. انت على طول كسفنى .

•      تقليد الوالدين …. يعنى الاب على طول بيزعق …الأم على طول بتضرب

•      تقليد الإعلام … يعنى بيتفرج على التلفزيون كله ضرب وشتيمة وان داه اللى الناس بتخاف منه وبتعمل له حساب .

•      التفرقة بين الأخوات وبعضهم …. يعنى بحب البنات أكتر من الولاد ….. بحب أخوك اكتر أصله شبهي لكن انت شبه مامتك…

علاج السلوك العدواني لدى الأطفال

لو عرف السبب بطل العجب … يعنى أيه…. يعنى لو عرفت سبب مشكلة سلوك ابنى العدواني انا كدة عرفت أحل نص المشكلة والنص التانى فى طريفة تغير السلوك.

•      القدوة انا قدوة لأطفالي… هضرب  هيضرب … هشم هيشم …

•      أفتح ديما باب الحوار والنقاش يعنى.. أديله فرصة يتكلم واسمعه واهتم لرائيه.

•      أبعد عن مقارنته بغيرة من أخواته او أصحابه أو قرايبه يعنى… لازم أفهم ان كل طفل وله قدراته.

•      الحب والحضن والاهتمام والضحك واللعب والفسح مع أطفالي بناء جسور المودة والرحمة والعطف.

•      البعد عن الأفلام والمسلسلات والكارتون والالعاب التي تزود من العنف والعدوان.

•      تصحيح أفكاره حول ان سلوك العدوان ليس للتفاهم وانما العقل والهدوء هما من يساعدون على حل المشاكل.

•      اتاحة له فرصة للتعبير عن مشاعرة وعدم كبتها ولكن التعبير بطريقة لائقة وبالتحدث عن مشاعرة وليس بالضرب او السب والغضب والعنف.

•      أعزز كل السلوكيات الإيجابية عند طفلي يعنى … لو شاطر فى دراسته أكافئه… بيسمع الكلام أكافئه ….. صادق أكافئه ….. يعنى أتلكك على السلوك الحلو اللي عند طفلي واشجعه وأكافئه علية بدل ما أتلكك على السلوك السيء وأعاقبه عليه فالسلوك الإيجابي والتشجيع والتعزيز سيطفئ السلوك السلبى .

•      واخيرًا ….. أعرفوا ان أطفالنا زي الورقة البيضاء أحنا السبب الأول والرئيسي في أي حاجة بتتكتب فيها .