قلم / مروة حسين
طب وفيها ايه ؟!
لما أكون أنا المغامرة وانت فيها السندباد
لما أكون أنا الكلام وأنت السكات
ولما أكون ليك الحاجات وأنت الحاضر واللي فات
طب شوف كام واحد عايش معانا ومن جواه مات
وكام حد سابنا وفات وكام حد عاش وجانا برغم الممات
وانا وانت مكملين برغم اللي حاصل برغم الوجع و الذكريات
طب وفيها ايه ؟؟
فيها ايه لما أكون أنا الفوضى وانت النظام
وأكون أنا الغلطة وأنت الرأي والاعتراض
وأكون أنا الثورة وانت فيها الثبات
وتكون انت الموقف وانا ليك العناد
وتخيل معايا لو كنت انت مش معايا
كانت هتبقى حياتك فاضيه رغم انها مليانة
والضحكة هتخرج من ضلوعك ناقصة حاجه
ناقصة الجنون والفرحة ناقصها الدوشة والزحمة
..نقصاني انا
رغم الحاجات اللي وحشاني والموجودة منها و فايتاني
والأمور اللي تعباني
ونقول تأني وفيها ايه ؟؟
لما أكون انا المغامرة وانت فيها السندباد
