كتب – محمد اسماعيل
أعربت الفنانة منة فضالي عن استيائها من المتابعين الذين يقومون بكتابة كلام غير مهذب عبر صفحة الفيسبوك قائلة: انا عامله الصفحه دي للناس اللي المفروض بتحبني مش للناس اللي تكتب كلمه وحشه او تنشر خبر مش محترم مفتكرش اللي عامل متابعه الصفحه علشان يغلط فيا ليه عادي ممكن جدا متابعنيش وبمنتهي الادب بلعكس انت بتقل من نفسك اوي لما بتكتب كلام غير محترم مش مني عمر الغلط ولا الشتيمه ما بتعمل حاجه ابدا والله بلعكس انت بتاخذ ذنوب مش انا حتي لو انا وحشه او شايفني مش كويسه احتفظ برايك لنفسك .
وعبرت عن حبها لجمهورها وأنها تحترمهم وأنهم سبب النجاح “انا كتير قالولي متوجعيش دماغك بس انا بحبكم وانا كبرت واتعرفت ونجحت بيكم انتم ومش انا بس انتم سبب نجاح اي نجم او نجمه ،انا عادي ممكن معملش اعتبار لحد بس انا بحترم كل الناس واكيد مش مجبره اوضح ده انا وحشه حلوه لنفسي انت حر مالم تضر الكلمه الحلوه مفيش اجمل منها هي اللي بتعيش” .
وطلبت من متابعيها الذين لاتعجبني أن يلغوا متابعتهم لها قائلة :”الحياه فيها حاجات كتير وكل حد وليه اللي في صدقوني اسافر ايه المشكله اني اسافر مدام معنديش شغل ايه المشكله من فضلكم اللي انا مش عجباه بكل ادب ممكن يلغي متابعه لكن مدام اخترت تتابعني يا ريت يبقي بكل حب واحترام .
